對一位教練來說,做教學本身,就是樂趣所在。看到學員接受訓練之後的脫變,達成個人目標的喜悅,就是對教練的最大回報。特此輯錄ChiRunning學員們的分享,讓大眾多一點了解ChiRunning – 不止於一項跑步技術,更是一種生活模式。

Harrison Wong – ChiRunning Master Instructor

Mission impossible: 100天由零開始到全馬

Martin 和哥哥在參加ChiRunning之前並沒有恒常跑步的習慣,由於抽到了2019年2月的香港渣打馬拉松全馬的名額便想到要練習跑步,但是他們發現自己最多只能跑到不10公里便已經筋疲力竭,平時健身房操練的體能跟本應付不了長距離跑步。終於在任職公司的安排下於2018年10月份參加了ChiRunning的訓練班。

在上課的過程中他們用心聆聽,積極參與,很快便掌握了ChiRunning的核心理論和基礎技術;更坐言起行,於自行練習時實踐所學。在短短的三個月內已經建立好一位全馬跑手應該具備的基本條件。

馬拉松當日我在終點迎接他們,看到他們達成目標,他們面上流露的喜悅之情,最重要是無傷無痛輕鬆地完賽,三個男人一個擁抱,那一刻我非常感動。

你好。我係Martin Chiu 。我自己都係做開抗阻力訓練同普通健身室做下Gym。而今次我參加馬拉松全碼42公里 係好大好大挑戰 。因為健身同跑步係2種唔同訓練,之前跑步都跑唔到10公里以上。 所以ChiRunning幫左我好多。

透過ChiRunning可以學習到跑姿同保護自己承受關節傷害,因為長跑係需要耐力好強訓練,同埋ChiRunning最主要係教如何用最小力量發揮最大的效果。 第一堂雖然比較多理論,因為要用到「丹田」 ,正確跑姿同埋配合節奏去跑步。我用ChiRunning方法比起之前跑既距離的確長好多。上完堂自己去跑第一個長課,對比起之前我識得去控制配速,但最重要係距離由之前的最盡10公里跑到上大概20公里。

ChiRunning 第三堂我都特別深刻,因為堂上既拉伸技巧同我在健身室所在的大大不同。以前跑步之前我會做拉伸 但經過ChiRunning 我學習了跑步前拉的不應該是肌肉,而是將關節放鬆,例如:膝頭同腳碗既關節。完左跑步後先做肌肉放鬆。

準備渣打馬拉松比賽大概實際用了3-4個月訓練。 一星期訓練2-3次。而第一次成績參加馬拉松我希望是5小時之內完成 。而當日成績是4:52。 但其實當初我無想像過有什麼成績 只希望能完成就好了。特別多謝我既教練Harrison Wong 。

其實仲有好多得著,不過驚離哂題: 跑步係瘦好多 身形都靚左 仲有 食野可以食多好多 健身都無跑步食得咁多野?

BACK